Home Aceh Syair Aceh Lisa Ulfa – Ade

Syair Aceh Lisa Ulfa – Ade

83
0
Sumber ; google

Oleh ; Lisa Ulfa 

Meubek Oeh kana seulanga tari
Ka gadoh wangi anggrek lam taman
Meubek Oeh kana cinta sejati
Keu mak ngon abi jeut meunan-meunan
Sunggoh meupaloe rugoe meukali
Meungsoe peu iri dua ureung nyan
Fokus lam hudep keu seb materi
Sedang di Ummi mata meulinang
Han le teu pike hate nyang sunyi
Han treu padoli reunggang hubungan
Di donya kadeuh inseuh ka meuri
Hudep ka nafsi bila ka meunan
Keubit that harom ta com kasturi
Tangui bak diri teuleubeh nyaman
Seulagi nyawoeng manteng teupatri
Poma ngon Abi beu tapeuseunang
Bek sampe bak gop geu droep oeh sundi
Ngon kasihani hudep ureung nyan
Geutanyoe aneuk bek ‘an taneuk bri
Bayangan diri tamse lam angan
Beu ade gata syahra muda ngon mudi
Gaseh abadi dua bilangan
Cinta dilei phon abon ngon ummi
Leuh nyan kasihi gaseh idaman
Reudok di Bayeun ujeun di Sigli
Rubah bak punti di Daruhaman
Oeh noe meumada rika perawi
Ngon hate suci lon toep karangan

LEAVE A REPLY

Please enter your comment!
Please enter your name here